Полициската станица од општа надлежност Кавадарци денеска го одбележа денот на македонската полиција. Командирот Борче Мустеников рече дека и во иднина ќе работат на превентивен план, бидејќи како што нагласи, тоа е најефикасниот начин против вршење на кривични дела и прекршоци.
Мустеников информираше дека за 41 процент се зголемени кривичните дела регистриани во ПС Кавадарци.
– Во текот на првото тромесечје годинава има вкупно 138 кривични дела од сите области, а во истиот период минатата година се евидентирани 98 кривични дела. Во делот на класичниот криминалитет во овој тримесчен период регистрирани се 127 кривични дела, за разлика од мината година кога има 88 пријавени кривични дела, што е 44 процентно зголемување, рече Мустеников.
Соопшти дека за 15 отсто се зголемени прекршоците против јавниот ред и мир при што во 2016 година имало 27 нарушувања, а оваа година 31 наршување.
Намалување за 50 проценти на ргистрирани казнени дела има во областа на економскиот криминалитет.