Од заскитан куршум повредено момче во Тетово

Од:

Момче е повредено попладнево најверојатно од заскитан куршум во некогашниот Воспитно-поправен дом во Тетово.

Во Тетовската клиничка болница околу 16:30 часот било донесено момче на 15-годишна возраст со прострелна рана во десната надлактица. По укажаната лекарска помош, момчето е пуштено на домашно лекување.

Според кажувања на повредениот тинејџер, тој се наоѓал во дворот на некогашниот Воспитно-поправен дом во североисточниот дел на Тетово. Собирал јаболка во некогашниот овоштарник. Во еден момент слушнал истрел, а потоа уште еден од кој почувствувал болка во раката. Побарал помош од неговиот постар брат, кој со возило веднаш го пренел во тетовската болница. Било утврдено дека се работи за повреда од сачма од ловечка пушка.

Полицијата извршила увид на лице место, но таму не пронашла никакви траги. Се претпоставува дека момчето е повредено од заталкан куршум.

Би можело да ве интересира

Запленет кокаин во Гевгелија, лишен од слобода дилер, одреден му е притвор

СДСМ бара Сиљановска да не го потпишува Указот за Законите за полиција и МВР

Кривична пријава за градоначалникот на Кичево, Фатмир Дехари

Катерина Ѓуровски

МВР: Уапсени се две лица, одземено е товарно возило, запленета е стоката

МВР: На социјалните мрежи се појавија лажни објави за телефони, апелираме да не кликнувате на такви објави

За 48 часа МВР „подели“ 1.293 казни на возачи и пешаци