Во прилепското село Црнилиште вчера околу 16 часот пред колонијалната продавница „Џани Комерц“ сопственост на М.И.(1966), додека седел пред истата, од патничко моторно возило „мерцедес“ кон продавницата биле испукани неколку куршуми.
Во „мерцедесот“ со непознати регистарски ознаки, управувано од непознато лице, на совозачкото место од возилото бил И.Н.(49) од село Гостиражни, кој во рака држел пиштол и преку отворениот прозор кон продавницата испукал неколку куршуми. Од испуканите куршуми, соопшти денеска МВР, еден проектил завршил во фасадата од предната страна на продавницата.
Од страна на полицијата приведен е И.Н., кај кого е пронајден и одземен пиштол кој го поседувал без дозвола и една празна рамка за истиот. По целосно расчистување и документирање на случајот против И.Н. ќе биде поднесен соодветен поднесок.