Од вчерашните 127 пациенти кои се заразени со коронавирус, 51 кажале дека немале контакт со веќе дијагностициран пациент, додека, 76 кажале дека познаваат заразено лице со кого се сретнале во изминатиот период. Извештајот на Институтот за јавно здравје покажува дека кај 18 лица е регистрирано присуство на коморбидитети, односно имаат и друга болест. Повеќе од 50 отсто од новите пациенти се регистрирани во Скопје, додека останатите се од други 9 градови во државата.
„Од епидемиолошки обработените случаи, регистрирани се 6 хоспитализирани пациенти“, се вели во извештајот на ИЈЗ.
Новите заболени се од сите возрасни групи, а најзастапена е возрасната група од 40-49 години со 27 позитивни. Во однос на пол, пријавени се 68 лица од женски и 59 од машки пол.
Во однос на трите смртни случаи од Скопје и Куманово, сите пациенти имале симптоми и биле хоспитализирани во болница. Еден од починатите, не пријавил контакт со веќе заразено лице и немал претходни заболувања.