На 28 септември ќе запрат возовите. Машиновозачите и вработените најавија дека ќе штрајкуваат со блокирање на железничкиот сообраќај поради незадоволството од односот на генералниот директор Оливер Дерковски кој во неколку наврати одбил да оствари средба со нив и да разговара за надминување на проблемите.
Тие се одлучиле на ваков чекор откако увиделе дека дека платите им се намалени за шест проценти со тенденција да се намали уште повеќе до крајот на годинава.
Од синдикатот на машинскиот персонал тврдат дека нема причина за намалување на платите кога обемот на работа е ист, а се сомневаат и дека не им се исплаќа и бенифицираниот стаж. Тие тврдат дека вработените се казнуваат и се распределуваат на други работни места, без да е јасно по која систематизација се прави тоа.