Од пожарот во Ново Лисиче извлечени неподвижна жена и уште четворица, маж варел кафе на плин, му се запалил чаршафот и огнот се раширил

Од:

Од запалениот стан во Ново Лисиче пожарникарите извлекле петмина, меѓу кои една неподвижна жена и маж, кој од стресот не можел да оди па го симнувале во количка. Неподвижната жена со брза помош е пренесена во болница. Пожарот е изгаснат, а предизвикана е само материјална штета.

Командантот на скопската противпожарна бригада, Владимир Симоновски, вели дека една екипа пожарникари го гасела пожарот, а друга ги извлекувала луѓето од станот. Симоновски вели дека огнот се раширил од плинска боца на која вареле кафе.

„Мажот варел кафе на плинска боца. Се потпалил чаршафот и од таму огнот се раширил насекаде. Во соседната соба беше неподвижната жена, живее на дијализа, со апарати приврзани за неа. Ја извлековме, докторите ја прегледаа и утврдија дека ѝ треба дополнителна помош. И мажот се пожали дека не може да оди,  рече дека не му функционираат нозете поради стресот. Тој е подвижен, прво го изнесовме на балконот, а потоа го симнавме во количка. Во станот имаше петмина“, изјави за „А1он“ командантот Симоновски.

И покрај препораките во случај на пожар да не се користи лифт, станарка од зградата тргнала да излегува и се заглавила во лифтот па пожарникарите и неа ја спасувале

Од чадот, во паника биле и другите станари на зградата. Симоновски вели дека и покрај препораките во случај на пожар да не се користи лифт, станарка од зградата тргнала да излегува и се заглавила во лифтот па пожарникарите и неа ја спасувале.

Материјална штета од пожарот, Симоновски вели, има само запалениот стан. Станот до него го провериле и таму немало оштетувања, а на станот над опожарениот само прозорците биле поцрнети од чадот.

Командантот Симоновски вели дека опожарениот стан на булеварот АСНОМ  бил од четириесетина квадратни метри и преполн со мебел па главна грижа им било да ги спасат луѓето и да не дозволат огнот да се прошири во другите станови од зградата.

Пожарот го гаселе 18 пожарникари со пет возила, а пристигнале и две возила на Итна помош.

Би можело да ве интересира

Се очекува „Ер трактори“ да се вклучат во гаснењето на пожарот на Огражден, на границата со Бугарија

A1on

Избувна пожар меѓу штипските села Драгоево и Селце

Предраг Петровиќ

ВИДЕО: Пожари беснеат во Грција, еден избега од контрола

Предраг Петровиќ

Реакција од МО и од Генералштабот на Армијата во врска со започнувањето на пожарот во околината на село Пепелиште

Австралиец обвинет за подметнување пожар во куќа во кој загинаа неговите три деца

(ВИДЕО) Гори кулата на катедралата во Руан