Од петок започнува редовната вакцинација против сезонскиот грип во Центрите за јавно здравје.
Вакцинацијата ќе чини 400 денари, а министерството за здравство има набавено 30 илјади дози.
„Препорачано е населението навреме да се вакцинира, бидејќи потребни се минимум две седмици за создавање на имунитет и отпорност на организмот. Посебно препорачано е оваа вакцина да ја примат ризичните групи, а тоа се постарите и лицата со хронични заболувања, помалите деца со намален имунитет и хронични заболувања, меѓутоа се препорачува и за лицата кои во текот на својата работа се изложени на заразување“, изјави Јованка Костова, раководител на превентивниот сектор при Министерството за здравство.
Вакцината штити од двата типа на вирус А, а тоа се Х3Н2 и Х1Н1, како и од вирусот од типот Б. Лани доминантен бил сезонскиот тип на вирус или Х3Н2.