Ограбена поголемо количество на злато од куќата на Р.Б. од село Камењане- Тетово.
Вчера помеѓу 20.00 и 21.30 часот во с.Камењане–Тетово во куќата на Р.Б.(1983), од страна на НН сторител извршена е тешка кражба на начин што додека домашните биле на гости, го прескокнал дворниот ѕид од задната страна на куќата каде нашол една клупа на која се поткачил, со тврд предмет го искршил стакло од прозорот од собата на приземјето и влегол внатре.
Од спалната соба на поткровјето која ја користел А.Р.(на работа во Италија), извршил пребарување и одзел пластично ковчеже со златен накит, по што го напуштил лице местото. По кажување на Н.Р. сопруга на А.Р., одземени се: еден златен ќустек – 2 метри, еден златен привезок од 5 минци, пет златни алки со бели камења, 4 женски прстени, две златни нараквици (едната полна, втората составена од 6 половина лири), две златни ланчиња и бижутерија.
Причинета е материјална штета околу 490.000,00 денари.
Увид на лице место извршила увидна екипа од СВР-Тетово. СВР-Тетово презема мерки за пронаоѓање на сторителот.