Непознат сторител, од куќа во Скопје, во изминатиот викенд украл 29.000 евра, златен накит и лап топ компјутер.
Министерството за внатрешни работи денеска соопшти дека кражбата се случила на 23 овој месец во периодот од 16:20 до 21:40 часот. Од куќата на Ѓ.Т.(49) во Скопје крадецот зел пари, накит и техничка стока во вредност од 2.400.000 денари.
Извршен е увид на местото на настанот, а се преземаат мерки за откривање на сторителот.