Непознати сторители синоќа околу 22 часот извршиле тешка кражба во куќа на улицата „15 корпус“ во населбата Ново Коњаре, Дебар.
Во мигот на кражбата, во куќата, сопственост на Исен Скара немало никого.
– Тешката кражба е извршена откако крадците влегле во куќата преку влезната врата која била отклучена. Ги пребарале собите при што наишле на заклучена врата од дневната соба. Насилно ја отвориле и според тврдењето на сопственикот на куќата украле 8.510 американски долари и 7 илјади денари, изјави Стефан Димоски, портпарол на СВР Охрид.
По подолго време, ова е прва тешка кражба на подрачјето кое го покрива Полициската станица Дебар.