Од денеска наместо една редовна,воведени се две меѓународни автобуски линии од Гевгелија за Солун, информираа од автобуската станица во Гевгелија.
Новата автобуска линија за Солун, покрај постојната, посочуваат, се воведува во вистински момент пред матурските прослави и летната туристичка сезона кога се очекува зголемен интерес за патување во Грција.
Автобуските линии за Солун ќе ги одржуваат автобусите на „Македонија сообраќај“ од Скопје кои од Гевгелија за Солун ќе тргнуваат во 8 часот и 45 минути претпладне и во 19 часот попладне.