Општина Центар ги информира жителите дека од денес (среда; 20.7.2022), започнува јавната анкета за два Детални урбанистчки планови – Градска четврт ЦС 14 – Кале и СРЦ Кале и Градска четврт ЦС 01-Француски гробишта, Тетовска трошарина и Парк 2.
Границата на планскиот опфат на Деталниот урбанистички план Градска четврт ЦС 14 – Кале и СРЦ Кале е дефинирана: на исток до оска на сервисната улица „С2“ (ул.„Самоилова“), на југ до оска на бул.„Гоце Делчев“, на запад до оска на река Вардар и на северозапад до оска на бул.„Свети Климент Охридски“, тунел С49-С50. Вкупната површина опфатена во рамките на опишаните граници изнесува 26,21 хектари.
Границата на планскиот опфат на Деталниот урбанистички план Градска четврт ЦС 01-Француски гробишта, Тетовска трошарина и Парк 2 е дефинирана: на југозапад од најсеверната точка 1 кон југоисток ги сече КП 7091/1, КП 462/1, КП 7090/1 и КП 460/1 КО Карпош, ја следи границата на КП 460/1 со КП 456/1, КП 458/1 и КП 459 КО Карпош од каде продолжува јужно сечејќи ги КП 7059/1 и КП 7060/2 КО Карпош, сѐ до точка 16 од каде продолжува кон југоисток и југ по оската на река Вардар сѐ до точката 44, на југоисток кон северозапад по оската на бул.„Свети Климент Охридски“ „Г“ С.50 кон С.10 сечејќи ги КП 13677/1, КП 5513/1, КП 5513/3, КП13730/2, КП 5530/1, КП 5530/5, КП 13729/1, КП 5071/1, КП 5054, КП 5055, КП 5064, КП 13678/8, КП 13678/1, КП 4367/1, КП 5045/2, КП 5045/1, КП 5044, КП 5043, КП 4367/9, КП 4367/1, КП 4368, КП 4367/8, КП 4354, КП 4355/1, КП 4345, КП 4344, КП 4343, КП 4486/1 и КП 13679 КО Центар 1, сѐ до најисточната точка 56, на североисток и север кон северозапад по оската на бул. „Никола Карев“ „В“ В.04-В.05 сечејќи ја КП 13679 КО Центар 1 и КП 7091/3 и 7091/1 КО Карпош, сѐ до почетната точка 1. Вкупната површина опфатена во рамките на опишаните граници на овој план изнесува 52,42 хектари.
Предлог-Деталните урбанистички планови ќе бидат изложени во читалната „Славко Јаневски“ на улица „Димитрие Чуповски“ бр.23, секој работен ден од 8:00 до 16:00 часот од 20.07.2022 до 16.09.2022 година. Во овој временски интервал граѓаните до Одделението за планирање во Општина Центар ќе можат да поднесуваат анкетни листови со забелешки и предлози во врска со предложените планови.
Поради летниот период, за завршување на јавната анкета е даден рок од 40 работни дена, во кој граѓаните ќе можат да ги доставуваат анкетните листови.
Јавните презентации по предложенти Детални урбанистички планови Градска четврт ЦС 14-Кале и СРЦ Кале и Градска четврт ЦС 01-Француски гробишта, Тетовска трошарина и Парк 2 ќе се одржи во Музејот на современа уметност, на 29.08.2022 година.