Од денеска, 4.5.2017 (четврток), Општина Центар започнува со овогодишниот циклус од проектот „Цел Центар на Точак“.
Овој проект, кој се спроведува 4-та година по ред, се покажа како успешен и наиде на одличен прием кај жителите на општината. Годинава, Центар ќе субвенционира средства за купување на нови 1.111 велосипеди. Со тоа се реализира поставената цел, според која за четири години вакви субвенции ќе добијат повеќе од 4.000 центарци, овозможувајќи им поздрав живот, поздрава животна средина и помал сообраќаен метеж.
Од буџетот на општината за оваа намена се одвоени 2 милиони и 800 илјади денари. Општина Центар ќе субвенционира 30% од цената за купување нов велосипед, но најмногу до 3.000 денари, соопштуваат од општина Центар.
Секој полнолетен жител на општина Центар што ќе купи велосипед од денеска, потребно е да ги достави следниве документи:
– Барање за субвенционирање за купен производ (достапно во архивата на општина Центар, барака бр. 6 и за симнување на centar.gov.mk)
– Копија од лична карта
– Копија од транскакциска сметка,
– Фискална сметка со сметко-потврда или фактура за купен велосипед.
Барањата со комплетна документација се доставуваат во архивата на општина Центар. Правото на субвенција е еднократно.
За сите дополнителни информации, граѓаните можат да се обратат кај координаторот на проектот, Емил Николовски.
Телефони за контакт : 3203-631 и 076-353-620