Општина Кавадарци со еднократна парична помош ќе го помага зголемувањето на наталитетот. Ваква одлука попладнево донесе кавадаречкиот општински Совет на седмата по ред седница. Одлуката ќе стапи во сила од 1 јануари.
– Секое семејство со новороденче ќе добие еднократен паричен износ од шест илјади денари. Невработени родители за новороденче ќе добиваат по еднократен паричен износ од 10 илјади денари, беше предлогот на советникот Горан Белевски, кој советниците едногласно го прифатија.