Судењето за кумановските настани од 9 и 10 мај 2015 година се ближи кон својот крај. Обвинителството за гонење организиран криминал и корупција денеска ќе ги даде своите завршни зборови.
Околу комплексот судови е забележително зголемено полициско присуство, а градот го надлетуваат хеликоптери.
Судењето за „Дива Населба“ почна во февруари минатата година. Во овој случај обвинети се 37 лица за тероризам и терористичка организација.
Во немилите настани во Куманово од 9 и 10 мај минатата година загинаа осум полицајци: Жарко Кузмановски од тетовското село Брвеница (32), Сашо Самоиловски од Брвеница (32), Ненад Серафимовски од гостиварското село Зубовце (27), Исамедин Османи од скопско Студеничани (32), Бобан Ивановиќ од скопско Стајковци (47), Горан Илиевски од Гостивар (41), Љубиша Аранѓеловиќ од Скопје (49) и Горан Стојменовиќ од скопско Миладиновци (45). Уште 37 нивни колеги беа ранети со разни степени на повреди.
Во престрелката четириесетина полицајци беа тешко повредени, а убиени беа и десет лица од вооружената група.