Скопското јавно Обвинителство што ја води истрагата за несреќата кај Ласкарци, побарало од судот да им биде продолжен притворот и куќниот притвор на осомничените, дознава „А1он“. Пред околу 30 дена, притвор им беше определен на шоферот на автобусот со кој што патуваа оштетените патници и на сопственикот на превозникот, „Дурмо турс“.
Станува збор за предлози со кои се бара да им биде продолжен притворот на тројцата осомничени, и куќниот притвор на уште тројца осомничени. За еден седмоосомничениот беа побарани и определни мерки за претпазливост. За предлозите на Обвинителството треба да одлучи Кривичниот суд.
Според сознанијата на „А1он“, во скопското Обвинителство и натаму се сослушуваат сведоци во истрагата.
Несреќата кај Ласкарци се случи на 13 февруари годинава кога автобусот на „Дурмо турс“ со 51 патник излета од патот Тетово – Скопје и падна во провалија откако ја проби заштитната ограда на автопатот. Во несреќата загинаа 16 лица, а 39 беа повредени.
Васко Маглешов