Обвинителство бара притвор за седум полициски службеници од Штип и Кочани осомничени за тешки дела против општата сигурност

Од:

Предметен јавен обвинител од Специјализираното одделение за гонење на кривични дела сторени од лица со полициски овластувања и припадници на затворска полиција, донесе Наредба за спроведување на истражна постапка против седум полициски службеници.

Според дејствијата опишани во наредбата постои основано сомнение дека осомничените сториле кривично дело Тешки дела против општата сигурност.

Kако службени лица вработени во СВР Штип и ПСОН Кочани како соизвршители, осомничените изготвувајќи, потпишувајќи и одобрувајќи позитивна согласност, му овозможиле на правно лице да се стекне со лиценца за вршење угостителска дејност – кабаре иако објектот не ги исполнувал законските услови за работа.

Осомничените сите заедно предизвикале значителна опасност за животот и телото на луѓето, овозможувајќи кабарето да работи во супстандардни услови при што на 16.03.2025 година во објектот настанал пожар во кој починале 59, а 196 се здобиле со тешки телесни повреди.

Ценејќи дека се исполнети условите јавниот обвинител до судијата на претходна постапка достави предлог за определување на мерка притвор за сите седум лица.

Би можело да ве интересира

Кривична за полицајците кои не му пишаа казна на братот на градоначалникот на општина Гази Баба

А1он

Од болницата „Пирогов“ во Софија пуштени уште тројца тешко повредени во пожарот во Кочани

А1он

Тошковски на средба со родителите на загинатите од Кочани: Ве молам да седнеме да разговараме и да ја тргнеме политиката на страна

Горан Наумовски

Тошковски кон родителите на загинатите во Кочани: Ве молам да седнеме да разговараме и да ја тргнеме политиката на страна

Горан Наумовски

ДУИ: Само Бектеши останува во притвор, другите инволвирани се на слобода

Горан Наумовски

Апелационен суд во Штип: Седуммина обвинети за случајот „Пулс“ остануваат во притвор

Горан Наумовски