По спроведена претходна постапка, јавен обвинител од Основното јавно обвинителство Гостивар поднел Обвинителен предлог против едно лице за кривично дело – Тешки дела против безбедноста на луѓето и имотот во сообраќајот, известува Обвинителството.
– Имено, 39-годишниот гостиварец, на 13.04.2021 година, управувал автомобил БМВ на улицата „Сретко Крстески“ во Гостивар. Кога се приближил кон раскрсницата со улицата „Гаве Лазарески“, започнал да се движи со возилото наназад, без да се увери дали со таквото дејствие ги попречува или загрозува останатите учесници во сообраќајот, соопштува Обвинителството.
Со задниот дел од автомобилот осомничениот удрил во пешак кој ја минувал улицата. Пешакот при ударот се здобил со тешки телесни повреди – нагмечувања на мозокот и на 26.04.2021 година починал, се додава во соопштението.