Со 300 краткорочни и 20 долгорочни набљудувачи, ОДИХР ќе ги мониторира претстојните локални избори во Македонија, јави телевизијата „Алфа“.
Овие активности на ОБСЕ ќе започнат в петок во земјава.
Бројката на монитори ќе биде иста како и за претходните два изборни циклуси, претседателките и локалните, во 2009 и вонредните парламентарни во 2011 година.
Портпаролот на ОДИХР, Томас Рајмер, за телевизијата изјави дека на бројката на набљудувачи не влијае бојкот на која било политичка партија и оти таа се одредува на неколку начини – според големината на земјата, бројот на местата на кои се смета дека се потребни набљудувачи за изборите да бидат соодветно покриени и да може да се изготви прецизна проценка на тоа што се случува.
Се наведува дека политичката состојба е тензична, оти се очекува кампањата повеќе да биде фокусирана на националните отколку на локалните прашања, а тесни изборни борба се очекуваат во Кичево, Скопје, Тетово.
Сепак според оценката на ОДИХР, иако по избороте во 2011 година се имплементирани дел од препораките на ОБСЕ, има уште голем број на прашања на кои треба да се внимава на претстојните избори, како што е процедурата на составување на избирачкиот список, изборната кампања и можната злоупотреба на административните капацитети, медиумското покривање на изборите, процедурите за финансирањето на кампањите, но и на механизмот за поднесување приговори.