Облачно и топло, попладне врнежи од дожд

Од:

Времето денеска ќе биде променливо облачно со умерен до засилен јужен ветер.

Попладне, а особено во текот на ноќта ќе има повремени врнежи од дожд, кои на места ќе бидат поројни (над 15 литри на метар квадратен), во форма на невреме, проследени со грмежи и силен ветер, над 60 километри на час.

Минималната температура ќе биде во интервал од три до 10, а максималната ќе достигне од 17 до 23 степени.

Во Скопје ќе биде променливо облачно со умерен до засилен јужен ветер. Кон крајот на денот и во текот на ноќта ќе има повремени врнежи од дожд.

Во делови од котлината врнежите ќе бидат поројни проследени со грмежи и силен ветер.

Минималната температура ќе се спушти до осум, а максималната ќе достигне до 23 степени.

Управата за хидрометеоролошки работи (УХМР) соопшти дека под влијание на топла и нестабилна воздушна маса од југ следува период на променливо облачно и нестабилно време со повремени врнежи од дожд.

аместа врнежите повремено ќе бидат поројни, над 15 литри на метар квадратен, во форма на невреме, проследени со појава на грмежи и силен јужен ветер, над 60 километри на час.

Поинтензивни процеси ќе има во текот на ноќта и в четврток претпладне.

Преодно стабилизирање на времето ќе има в петок.

В сабота локално, а в недела и понеделник на повеќе места ќе биде нестабилно со локален пороен дожд и грмежи.

Ветерот ќе го смени правецот во северен, што ќе предизвика опаѓање на дневните температури.

Би можело да ве интересира

Најмногу дожд во Маврови Анови, најмалку во Скопје

Променливо облачно со дожд и грмежи

Следува период на дожд и грмежи

(ВИДЕО) Поплави во Италија, снежна бура на Алпите, падна еден метар снег, градови се отсечени

Сончево со умерена облачност, нестабилно приквечер и во текот на ноќта

Пеку ден облачно со сончеви периоди, кон крајот на денот и ноќта локални врнежи од дожд