Објавени листите за сместување во студентските домови, за бруцошите аплицирање од понеделник

Од:

Објавени се резултатите од конкурсот за прием на студенти  во државните студентски домови и други објекти за сместување кои се однесуваат на студентите од втора и повисоките години на студии.

– Студентите кои се наоѓаат на објавените листи можат да се вселат во студентските домови по потпишување на договор со домот во кој се примени. Договорот е потребно да го потпишат најдоцна во рок од 10 дена од објавата на резултатите. Додека, приговори по однос на резултатите се доставуваат до Министерството за образование и наука („ул. Св. Кирил и Методиј“ бр. 54, Скопје), заклучно со 10 септември 2021 година, информираа денеска од МОН.

Аплицирањето за студентите од прва година ќе почне на 6 септември и ќе трае до 24 септември. За бруцошите предвидени се 1249 места во студентските домови.

– Условите, критериумите и потребните документи за остварување на правото на сместување во студентски дом се наведени во конкурсот кој е објавен на следниот линк. Студентите кои ги исполнуваат условите пополнуваат електронска пријава и ја прикачуваат соодветната документација на http://e-uslugi.mon.gov.mk, а доколку немаат можност електронски да аплицираат, пополнуваат хартиена пријава (евидентен лист) и ја доставуваат потребната документација по конкурсот во студентскиот дом, соопшти МОН.

Доколку по објавувањето на конечните списоци, останат непополнети сместувачките капацитети во одреден дом, пријавувањето ќе продолжи сé до целосното пополнување, најдоцна до 15 ноември.

Би можело да ве интересира

Малиот процент вакцинирани студенти во Албанија го одложи почетокот на академската година

А1он

Бруцошите на Прв академски час, Царовска најави дека сместувањето во студентските домови најверојатно ќе почне од утре

А1он

МОН: Прва исплата за субвенциониран оброк, студентите добија по 1.440 денари за 15 дена од септември

А1он

Рама ги предупреди студентите доколку не се вакцинираат, нема да влезат на универзитет

А1он

На иницијатива на студенти од Македонија пет држави започнуваат истражувачка мрежа

А1он

Уписи на факултетите на Скопскиот универзитет

Ана Ололовска