ДУИ и официјално објави дел од своите адути за локалната изборна трка.
Иако претходно беше објавено дека претседателството на ДУИ ја кандидира актуелната вицепремиерка за европски прашања, Теута Арифи за кандидат за градоначалник на Тетово, нејзиното име го нема во овој список.
На седница на Претседателството на централниот одбор на Демократската унија за интеграција, партијата одлучила на централниот одбор да му ги предложи следните кандидати за градоначалници. Арбен Лабуништа за градоначалник на Струга, Иџет Меџити во Општина Чаир, Брахим Ајвази на Арачиново, Хазби Идризи на Боговиње, Исен Асани на Теарце, Беким Мурати на Општина Сарај, Садула Дураку на Липково, Исмаил Јахоски на Пласница и Бајрам Кадриа за градоначалник на Општина Врапчиште.
Од ДУИ најавија дека останатите кандидатури ќе ги објават дополнително.
