Обидувајќи се да престигне комбе, мотоциклист загина кај Велес

Од:

Сообраќајна незгода во која учествувале комбе и двајца мотоциклисти се случи вчера во попладневните часови на автопатот Гевгелија-Скопје, на оддалеченост од 6 и пол километри после мостот Виничани.

Како што информираат од Основното јавно обвинителство Велес, при движење во ист правец на комбето марка „мерцедес спринтер“ со швајцарска регистарска ознака и двата мотоцикли, едниот мотоцикл со голема брзина го престигнал комбето.

Веднаш потоа другиот мотоцикл се удрил во комбето од што мотоциклистот паднал на коловозот, бил исфрлен на просторот меѓу банкините кои го раздвојуваат автопатот и починал на самото место.

Од страна на дежурен јавен обвинител во соработка со екипа на СВР Велес бил извршен увид на местото на настанот. Притоа, биле фиксирани пронајдените траги и предмети. Надлежниот јавен обвинител издал наредба за вонреден технички преглед на возилата кои учествувале во незгодата – комбето и мотоциклот.

Издадена е и наредба за проверка на крв и урина кај 74-годишниот возач на комбето и за обдукција на починатиот мотоциклист, кој бил на возраст од 30 години. По несреќата биле земени и изјави од возачот на комбето и од мотоциклистот кој возел заедно со сега починатиот.

Би можело да ве интересира

Пронајдени двајца починати мажи во Тетовско

Срби на пат кон Грција, ќе загинеле во сообраќајка кај Демир Капија

Горан Наумовски

52-годишен мотоциклист е тешко повреден во сообраќајка

Србинка е тешко повредена во сообраќајка близу Велес

Истрага против две лица за тешката сообраќајна несреќа во Охрид

Жена загина во сообраќајна несреќа што се случи во центарот на Охрид

Горан Наумовски