Прераспределувањата на припадницте на шумската полиција да престанат и сите да бидат вратени на старите работни места, побараа денеска од Независниот синдикат на полицијата кои излегоа на протестен марш со возила кој заврши пред Валдата на РМ. Тие од премиерот и дел од министрите побараа и потпишување колективен договор за затворската полиција и администрација, а незадоволни се и од платите и од условите за работа.
– Следниот пат ќе ги изнесеме и униформите и чизмите, и се она што ни е искинато од поранешна Југославија од 91 и ќебињата по одредени полициски станици кои се уште ги има, рече претседателот на синдикатот Гоце Делчев.
Тој праша зошто во буџетот за 2018 не се спомнва ниту еден процент за онаа категорија на работници кои, како што рече, го бранат достоинството и го бранат се она што се вика ред и поредок во оваа држава.