Со новогодишното дефиле на Дедо Мраз низ улиците на градот во Крива Паланка ќе биде заокружена предновогодишната програма во организација на општината.
Новогодишното дефиле со Дедо Мраз ќе започне од пред општинската зграда, ќе продолжи низ населбите во градскиот и приградски реон и ќе пристигне на централниот плоштад.Трасата по која ќе се движи дефилето на Дедо Мраз е населба Маневци, мотел „Македонија“, магистрален пат-заобиколница, Осичка маала, населба Баглак, населба Бавчал’к, сeло Конопница и низ главната улицата „Св.Јоаким Осоговски“ со крајна дестинација градски плоштад.
Од локалната самоуправа информираат дека во периодот од 24 декември до вчера беше организирана дневна предновогодишна програма на плоштадот „Карпошово востание“ пред зградата на општината за најмладите жители на градот.
Учествуваа бројни училишни и предучилишни групи, училишта за странски јазици, детски игротеки и едукативни центри, кои псекој ден презентираа неколкучасовна новогодишна програма. Забавната програма се одвиваше од пладне до 15 часот, со празнична музика и забава за најмладите.