Традиционално организираниот дочек на Новата година, на плоштадот Македонија, оваа година ќе биде во знакот на музиката на македонските музички ѕвезди.
Сите оние кои сакаат да се забавуваат на отворено ќе можат да ги проследат настапите на Нокаут, Тамара Тодевска, Роберт Саздов, Тони Зен, Аделина Таири, Дани, Бени, како и изведби на познати македонски ДЈ ѕвезди.
Новогодишниот концерт ќе започне во 20.00 часот, а се очекува да трае до раните утрински часови. Точно на полноќ небото над Скопје ќе го осветли спектакуларен огномет, овозможен од двете компании.
Оваа година ќе бидат поставени големи екрани на кои сите посетители, преку испраќање СМС пораки, ќе можат да ги испраќаат своите желби и честитки за што поубава и побериќетна 2013.
Новогодишната прослава во Скопје традиционално ја организира Градот Скопје со поддршка на Т-Мобиле и Т-Хоме.