Македонската филхармонија денеска напладне во Домот на АРМ ќе го одржи традиционалниот Новогодишен концерт за деца, под диригентство на Борјан Цанев.
На репертоарот се дела со новогодишен дух од Чајковски, Римски-Корсаков, како и од мајсторите на виенските валцери и полки – членовите на семејството Штраус.
Концертот е под покровителство на сопругата на претседателот на државата, Маја Иванова. Ќе присуствуваат и децата од СОС Детско село кои ќе го проследат концертот заедно со Иванова, како и штитениците од Дневниот центар за церебрална парализа кои на концертот ќе присуствуваат под покровителство на Црвениот крст на град Скопје.