Членовите на Државната комисија за спречување на корупцијата Горан Миленков, Игор Тантуровски, Најдо Спасевски, Сузана Таскова-Аџикотарева, Жаклина Дамческа, Сејди Халили и Фарије Алиу денеска пред претседателот на Собранието на Република Македонија Трајко Вељаноски дадоа свечена изјава.
Сејди Халили, кој беше член и на претходниот состав на комисијата, рече дека ДКСК ќе работи согласно Уставот, законскиите прописи на Македонија, а посебно, како што кажа, ќе се фокусира на материјалните закони кои ги покрива комисијата во нејзиното работење.
– Сакам да нагласам дека ќе работиме чесно како што работевме, транспарентно и одговорно, истакна Халили.
На новинарско прашање за работата на претходниот состав на комисијата, Горан Миленков рече дека нема никакви забелешки. На прашање дали во Македонија има корупција Миленков рече дека корупцијата ја има во сите земји и добар тренд е што таа опаѓа.
Новите членови на Државната комисија за спречување на корупцијата беа избрани вчера на попладневното продoлжение на 43. седница на Собранието на РМ.
Фото: МИА