Новиот центар во Кавадарци ќе добие покриен пазар. Како што информираше кавадаречкиот градоначалник Александар Панов, во изминатиот период за таа цел, во три фази се уредуваше просторот, а во тек е третата и последна фаза од проектот.
– Сега во тек е издавањето на градежната дозвола на веќе избран изведувач. Поради изаборите работите беа малку успорени. Таму веќе се направени првични активности од страна на Комуналното претпријатие кое има изработено тезги. Потребно е да се стави ограда и да се изврши покривање, а до 15 август очекувам и комплетно да бидат завршени работите, соопшти Панов.
Новиот пазар треба да функционира секојдневно, а не само во пазарни денови, како градскиот зелен пазар. Можно е да биде отворен и во ноќните часови.