„Од оваа учебна година, општина Центар на 7 ученици, по еден од секое општинско училиште, по им доделува стипендии во висина од 3.000 денари месечно.
Од 4.000 ученици во седумте општински основни училишта, според определените критериуми, беа избрани 7 ученици кои досега покажале солиден успех во учењето, кои се истакнуваат по одредени предмети и доаѓаат од социјално загрозени семејства.
Учениците беа избрани од посебна комисија која ги ценеше резултатите и состојбата во која што живеат децата, односно дали живеат со самохран родител, во семејство со родители со попречености, дали живеат во старателско семејство, дали се станбено необезбедени или дали станува збор за раселени лица.
Општина Центар оваа година за прв пат доделува и ваков тип стипендии, ценејќи ја и наградувајќи ја посветената работа на учениците, нивниот талент и помаѓајќи им финансиски, бидејќи живеат во социјално загрозени семејства“, соопштуваат од Општина Центар.