Во Новата година, ќе се изберат и нови претседатели на Врховниот суд и скопскиот кривичен суд.
Судскиот совет зад затворени врати ги преоценуваше кандидатите за претседатели.
Оној со најдобра оценка ќе стане нов претседател на судот.
На советот за првпат присуствуваше и Снежана Бајлозова, В.Д. претседател на Врховниот суд и кандидат за претседател.Иако таа вонредната оценка ќе ја добие за работење во Апелациониот суд, Караџовски смета дека тоа не е никаква пречка за нејзината кандидатура за претседател на Врховен суд ниту пак и дава предност во однос на конкуренцијата.
Кривичните пријави и претставките кои ги имаат поднесено или кои ги имаат добиено од свој колега кандидатите за претседатели на Врховниот и на Кривичниот суд нема да влијаат врз оценувањето и врз нивниот избор за претседател, тврди претседателот на Судскиот совет, Зоран Караџовски.
За Лидија Неделкова и Јован Вангеловски има претставки во Советот за утврдување на факти, а судијата во Основниот суд Скопје 1, кандидатот Иван Џолев му поднесе кривична пријава за влијание врз судија на доскорешниот претседател Владимир Панчевски, а овој му врати со контра пријава и со претставка во Советот за утврдување на факти.
Панчевски претходно имаше послаба оценка, па во јавноста се коментираше дека вонредното преоценување е за да може да му се поправи оценката на Панчевски за остане во игра за повторен избор.