Кандидатот за градоначалник на општина Центар Владимир Тодоровиќ и директорката на ЈП „Паркинзи“ на општина Центар Маргарита Бакев ги информираа граѓаните на Дебар Маало дека ќе добијат нови 130 паркинг места наменети за гости.
Новите места се наоѓаат на паркингот на Градежен факултет, а граѓаните ќе може да ги користат од утре. Со паркинг-просторот ќе стопанисува јавното претпријатие „Паркинзи“ на општина Центар и ќе работи од 17 до 7 часот.
– На оваа локација е предвидена изградбата на паркинг просторот кој ќе биде составен од две нивоа под земја – горниот дел ќе биде уреден со урбан парк, многу зеленило и детско игралиште во форма на срце, наречен Парк на љубовта, кој во иднина ќе претставува центарска атракција, информира Тодоровиќ.