Денеска во 9.00 часот во просториите на Општина Карпош, врвниот професорски и менаџерски кадар на Универзитетот за туризам и менаџмент во Скопје, одржа полчасовна презентација за новите образовни можности што оваа високошколска установа ги пружа за едукација и доедукација на вработените во Општината.
Општина Карпош со овој Универзитет има долгорочна соработка и потпишан меморандум во таа насока, а со тоа и право на бенефицирани услови на студирање.
Шестчлената екипа на професорски кадар предводена од проректорот за наука и развој Сашо Кожухаров на заинтересираните вработени од Општината им ги објаснија условите за стекнување на високо образование, додипломски и постдипломски, магистерски и докторски студии.
Ваквото унапредување на знаењата е дел и од стратегијата за образование на Општина Карпош која постојано вложува во подигнување на стручноста и знаењата на своите вработени, со цел да пружаат поквалитетни услуги на граѓаните.