Нови критики за состојбата со затворите и малтретирањето притвореници

Од:

Лошите услови во затворите, малтретирањето на притворените, но и отсуството на лекарска помош, се само дел од забелешките на народниот правобранител, а нотирани во Извештајот на Националниот превентивен механизам за минатата година.

Како што истакнува народниот правобранител Иџет Мемети, најголем проблем и понатаму останува затворот во Идризово, нечовечките услови во самиците и малтретирањето на приведените, како во полициските станици така и во затворите.

На обвинувањата за малтретирањето на приведените во „Монструм“, од страна на битолските затворски чувари, Мемети вели дека од нивна страна бил направен увид. Поради основано сомневање за малтретирање, случајот е предаден во Обвинителство.

Иако народниот правобранител не сакаше да ги коментира, сепак И во извештаите на Амести Интернешнал, но и во оној на Стејт департментот, лошите услови во затворите, дискриминацијата и постојаното кршење на човековите права претрпеа најголеми критики.

Истите Забелешки се повторуваат секоја година, а институциите сеуште немаат решение за нотираните проблемите.

Извештајот на националниот превентивен механизам, е направен врз основа на 18 посети на полициските станици, затворите и воспитните центри во текот на минатат година. 17 од нив, биле направени без претходна најава.

Јасмина Јакимова

Би можело да ве интересира

Двајца затвореници избегаа од затворот во Риека

Чувари и доктор од затвор во Србија се уапсени за смрт на затвореник

Горан Наумовски

Во кумановскиот затвор се самоуби убиецот на Танкица Маладеновска од Кочани

Осуден на 10 години затвор, избегал и повторно крадел – уапсен криминалец баран по централна потерница

Јонузи: Вработени во затворот „Идризово“ завршија на Токсикологија по пожарот во женското одделение

A1on

ЈОРСМ: Дадена наредба за обдукција на починатиот притвореник од Затвор Куманово