Советниците на Советот на општина Штип на денешната 20-та седница ги прифатија измените на одлуката за наплата на паркинг-просторот во централното градско подрачје, а која е донесена пред четири години. Новите измени се однесуваат на намалување на цената и на бројот на паркинг-места.
Директорот на ЈП „Стипион“-Штип Тони Јовев информира дека жителите кои живеат во центарот ќе можат своите автомобили да ги паркираат за 160 денари месечно. Доколку граѓаните сакаат закуп, на годишно ниво ќе ги чини околу 28.000 денари.
– Службите за наплата ќе имаат на располагање 590 паркинг-места. Првиот час ќе изнесува 20, а секој следен час по 15 денари. Грепките за платениот паркинг ќе се продаваат на неколку локации, рече Јовев.
Тој додаде дека ќе има служба која ќе се грижи за наплатата на паркинг-местата, која се очекува да почне со работа во септември.