Кандидатот за градоначалник на ВМРО – ДПМНЕ на Центар Владимир Тодоровиќ најави продолжување на проектот за реконструкција на фасади на станбени згради во општината.
– Мојата програма со која настапувам на овие избори содржи и обнова и реконструкција на фасадите во централното градско подрачје. Тој интензитет ќе го зголемиме така што во наредните 4 години некаде околу стотина згради ќе добијат нови фасади, изјави Тодоровиќ.
Тој истакна дека во овој проект ќе бидат вклучени и зградите кои се наоѓаат од почетокот на „Св. Килимент Охридски“ до Фонтана во Градски парк, додавајќи дека овој дел на општина Центар заслужува нови фасади, реконструирани во термо изведба.