Жителите на населбата Рид, во присуство на градоначалникот Марјан Ристески и директорите на јавните претпријатија „Водовод и канализација’ и „Комуналец“, го поздравија асфалтирањето на седум улици на површина од 2 000 метри квадратни.Асфалтирани беа улиците:„Мирче Ацев“, „Селечка“,„Кајмакчелан“, „Бошко Буха“, „Радика“, „Златоврв“ и улицата „Ѓорѓи Димитров“, каде што беше извршена целосна реконструкција и на водоводната и канализациската мрежа.
На површина од 3.000 метри квадратни, со вкупна инвестиција од 1 500 000 денари,улиците „Бошко Буха“, „Селечка“ и „Мирче Ацев“ добија и бехатон-тротоари.
Средствата за асфалтирање на овие улици беа обезбедени од општината и од ЈКП „Водовод и канализација“,а патната инфраструктура чинеше 7 500 000 денари. Од локалната самоуправа најавуваат дека и понатаму ќе продолжат со подобрување на патната инфраструктура како во општина Прилеп така и во населените места.