За само една недела нови 126 лица заболени од грип во Кавадарци, соопшти денеска д-р епидемиолог Ристе Јовановски, раководител на епидемиолошката служба при кавадаречкиот Центар за јавно здравје.
– Сепак сме далеку од загрижувачките бројки. Засега нема податоци за каков грип се работи. Од октомври лани досега имаме евидентирано вкупно 271 случај на заболени од грип. Честата промена на времето и затоплувањето се главна причина за ширењето на вирусот но засега состојбата ја држиме под контрола и нема причина за загриженост, нагласи Јовановски.
Докторот потсети дека најважни се превентивните мерки кои за среќа поголемиот дел од кавадарчани засега ги практикуваат.с