Нова инвестиција до крајот на овој месец најави Мицкоски

Од:

Нова инвестиција во земјава до крајот на овој месец најави денеска премиерот Христијан Мицкоски.

Премиерот кажа дека во завршна фаза се преговори со петнаесетина потенцијални инвеститори, со што очекува да биде надмината бројката која ја соопшти во ноември од една милијарда односно 1,040 милијарда евра.

-Во завршна фаза сме на околу 15-тина инвестиции, дел од нив се веќе завршени, со дел од нив преговараме. Со дел од нив сме во потесна конкуренција со некои други земји, односно во најтесна конкуренција се одлучува помеѓу нас и уште некоја земја. Јас очекувам дека со огромен процент на реализација овие инвестиции ќе бидат успешни. Очекувам овој месец една таква инвестиција со нови 200 работни места и вредност од околу 25 милиони евра да се стави камен темелник. Друга да се пушти во април месец и потоа некаде помеѓу март и јуни барем нови пет инвестиции – или да се фрли камен темелник или да се донесе одлука за инвестиција во земјава, рече Мицкоски кој беше на настан во општината Аеродром.

Неговите очекувања, како што кажа, се дека овој тренд кој што заклучно со ноември беше околу милијарда и 40 милиони евра да биде поголем на крајот на годината.

– Народната банка кон крајот на овој месец ќе ги објави тие податоци со што со засилувањето од мај месец наваму и интензивирањето на инвестирањето ќе бидеме држава со најголем број странски инвестиции по глава на жител во регионот, што е добро бидејќи сето она кое тие го произведуваат ќе влезе во пресметката за БДП, рече премиерот Мицкоски.

Би можело да ве интересира

СДСМ: Морбидни обвинувања на Мицкоски и измислени приказни за пожарите

СДСМ: Инфлацијата беснее, животот е сè поскап, а Мицкоски продава шарени економски лаги

Мицкоски: Можно е ВМРО-ДПМНЕ и коалицијата уште во прв круг да ги поддржат и кандидатите на ВРЕДИ во некои општини

Мицкоски: Резултатите на локалните избори ќе покажат чија политичка реторика е исправна

Мицкоски: За брзата пруга од Коридорот 10 има интерес од финансиски институции кои досега не биле присутни во овој дел од Европа

Ќе се знае кој каде е вработен, но и колкава плата добива