„Доселеници од Мала Преспа почнаа да мигрираат и во Охрид, поточно во крајезерските села Љубаништа, Трпејца и Пештани, а дел од доселениците во Охрид долгорочно закупиле еден мотел блиску до селото Коњско“, оваа вест ексклузивно ја објави порталот .Ohrid1.com.
Доселениците од Мала Преспа склучуваат договори за изнајмување на соби и истите се заверени кај охридските нотари, а со ова тие подоцна аплицираат и вадат лични карти со адреса на новите живеалишта во охридските села и со тоа автоматски влегуваат во избирачкиот список, а потоа да гласаат за ВМРО ДПМНЕ, поточно за листата и кандидатот од оваа партија, пишува порталот.
Од ВМРО-ДПМНЕ велат дека не знаат за ваква појава.
Ова е втор случај на доселување жители за да добијат лични карти и да гласаат за партијата на власт.
Истото сценарио се случуваше и во Ресен
.