За 10 дена ќе почне изградбата на новиот плоштадот во населбата Влае, проект на Општина Карпош, чија реализација чини 11,7 милиони денари. Според договорот со градежната фирма, паркот треба да биде готов за шест месеци.
Содржински ќе биде наменет за културно-забавни манифестации, театарски претстави, музички концерти и други граѓански настани. Плоштадот ќе биде оформен од две партерни кружници со површина од 6.500 квадратни метри, а во средишниот дел ќе има фонтана.