Жителите на општина Карпош од денеска ќе имаат уште едно катче за може да релаксација и уживање.
Општината доби уште еден плоштад со фонтана. Градоначалникот Стефчо Јакимовски најави дека се очекува наскоро да биде реновиран и плоштадот кај Млечниот ресторан и да почне со изградба плоштадот кај Порта Влае.
„Во овој објект во Карпош 3, општината инвестираше шест милиони денари и на него е изградено ново плато, нова фонтана, поставена е нова урбана опрема и реквизити за детски игри. Како што гледате, овој простор е убав и за одржување на пригодни, јавни културни и други манифестации . Сакам да го изразам своето задоволство од сознанието дека во иднина, овој прекрасен простор, облагороден со сите неопходни елементи ќе биде убаво катче за секојдневно дружење и одмор на граѓаните од овој дел од Општината, како преку ден така и во вечерните часови“, рече Јакимовски.
На предавањето во употреба на плоштадот и на фонтаната присуствуваа граѓани и гости од збратимените градови: Тиват (Црна Гора), Стари Град- Сараево (БиХ), Травник (БиХ) и Врњачка Бања (Србија).
Фото: макфакс