Агенцијата за вработување распиша јавен повик до невработените лица, кој се однесува на користење грант-средства за отпочнување сопствен бизнис. Грантот во висина од три илјади евра, плус покривање на трошоците за регистрација на фирмата од годинашниов прв циклус за самовработување во регионот на Прилеп, Кривогаштани и Долнени ќе го користат 34 лица.
Најголем интерес на јавниот повик пројавиле невработените со идеја за отворање занаетчиско – производствени фирми, како изработка на сувенири, украсни свеќи, преработка и производство на храна, но и автомеханичарски работилници, автолимари и друго.
Инаку, од 2007 година, кога почна оваа мерка со оперативниот план на Владата за намалување на невработеноста, во Прилеп имало 1200 апликации, од кои позитивно се решени, односно отворени се 336 нови фирми, а на ниво на државата таа бројка е 4.840, од кои околу 28% опстојуваат и натаму со проширување и зголемување на бројот на вработени. На сопствениците им се нуди можност за секое наредно вработено лице да добијат помош од 1500 евра.
А.Ш.