Нов асфалт, инсталации на операторите под земја, нови дрвја. Вака изгледа, по реконструкцијата, улицата „Адолф Циборовски“ (поранешна Мајка Тереза)
“Жителите се обратија до градоначалникот на општина Центар, Андреј Жерновски, барајќи решавање на нивниот долгогодишен проблем со огромните дупки и руинираната улицата“, соопштуваат од општина Центар.
Улицата, со вкупна квадратура од 1388.55 м2, и должина од 185 метри, сега има нов изглед. Тротоарите, кои беа уништени и беше отежнато движењето, сега се заменети со нови бехатон коцки.
Грдата слика на кабли од кабловските оператори и ЕВН, кои висеа над улицата, е минато и каблите се поставени под земја.
Новите сливници ги прифаќаат атсферските води, со што се надмина проблемот со поплавувањата на гаражите.
За заштита на животната средина и почист воздух, засадени се и 16 нови дрвја.
Поместени се канделабрите од тротоарите, за да се овозможи нормално движење на пешаците, информираат во соопштението од општина Центар.