Носителот на пратеничката листа од ИЕ2 од СДСМ Петре Шилегов денеска побара поддршка за претстојните парламентарни избори од жителите на кумановската населба „Зелен рид”.
Според Шилегов, жителите на населбата „Зелен рид“ во првиот круг на претседателските избори ја дале поддршката за претседателскиот кандидат на СДСМ.
– СДСМ на овие избори влегува неоптоварен од резултатите остварени на првиот изборен круг, бидејќи знаеме дека се почнува од нула, рече Шилегов.
СДСМ, истакна, упорно ќе продолжи и понатаму да бара масовна поддршка на изборите.