Централниот комитет на ВМРО-ДПМНЕ на вчерашната редовна седница ги избра Нола Исмајлоска и Фатмир Имероски за нови членови на Извршниот комитет на ВМРО-ДПМНЕ.
Нола Исмајлоска доаѓа од Струга. Има завршено Медицински факултет на Универзитетот „Св. Кирил и Методиј“. На последните предвремени парламентарни избори беше избрана за пратеник во Собранието на Република Македонија од Изборна единица 5.
Член е на собранискиот Комитет за односи меѓу заедниците и Комисијата за европски прашања.
Фатмир Имероски на последните парламентарни избори беше избран за пратеник. Роден е во Дебар. Има завршено Факултет за економија и менаџмент, ВУАРР во Република Бугарија.
Во Собранието на Република Македонија членува во Буџетскиот совет и во Комисијата за транспорт, врски и екологија и Комисијата за прашања на изборите и именување.
ВМРО-ДПМНЕ, како што велат од партијата, секогаш ја спроведува практиката на освежување на своите кадри, кои што со својата посветеност ќе го дадат максиумот за унапредувањето на работата.