Водостојот во горниот дел од сливот на реката Вардар е во намалување, но е сеуште висок. Реката Вардар бележи висок водостој и во Скопје, а во зголемување е водостојот и на низводните хидролошки станици во Велес и Демир Капија, каде се очекува да остане висок во текот на денешниот ден информираат од управата за хидрометеролошки работи.
– Висок водостој има и на реката Црна, а особено на нејзината притока реката Боротинска каде се можни појави на локални заезерувања во Боротинско Блато. Останатите водотеци или бележат стагнација или нивните водостои се во опаѓање. Предупредуваме на претпазливо движење поктај реките и суводолиците во текот на денешниот ден, се наведува во најановиот извештај од УХМР.