Нимиц: Владата во Атина е многу искрена по прашањето за спорот со името

Од:

Посредникот во македонско-грчкиот спор околу името Метју Нимиц се сретна денеска со шефот на грчката дипломатија Димитрис Аврамопулос.

Нимиц рече дека владата во Атина е многу искрена по прашањето за спорот со името и сака да се реши.
„ Се надевам дека и во Скопје ќе има сличен став“, изјави медијаторот.

Медијаторот информира дека презентирал некои идеи за кои разговарале во детали.

„Не сакам да го употребувам зборот предлог, туку повеќе идеи за кои зборувавме во ноември во Њујорк. Имам некои размислувања кои ги презентирав тука. Истото ќе го направам и во Скопје и да видиме дали можеме да се доближиме“, рече Нимиц.

Нимиц е оптимист дека можеби двете страни ќе дојдат поблиску, бара да се искористи времето, а не да се чека совршен момент.Во соопштението од грчкото МНР нема детали за тоа какви биле идеите кои ги подготвил Нимиц, ниту што ќе бидат идните чекори во кои тој има намера да го придвижи процесот.

Нимиц рече дека во моментов има конструктивно размислување и оти тоа му дава надеж за решавање на спорот.

Нимиц на кратко се сретнал и со грчкиот премиер Андонис Самарас, иако претходно оваа средба не беше најавена.

Би можело да ве интересира

Тело на мртов маж најдено во Јанина, околу главата и нозете му биле врзани вреќи со ѓубре

Горан Наумовски

Се урна грчки борбен авион, пилотот е спасен

Свештеникот од Солун е осомничен дека ги оштетил верниците за повеќе од еден милион евра

30.000 луѓе на улиците во Грција на годишнината од страшната железничка несреќа, избувна нереди

Герапетритис: Потребно е доследно, строго и целосно почитување на Договорот од Преспа

Орце Костов

Земјотрес во Грција