Александар Николовски, пратеникот на ВМРО-ДПМНЕ од Охрид, револтиран од големиот број Македонци кои продолжениот викенд го минуваат во Грција на својот Facebook профил напишал:
„Над 23 000 Македонци во Грција само овој викенд. На граница се чека околу 1 час. Ако секој оставил по 100 евра, тоа се 2,5 милиони евра приход за Грција и минус за Македонија. Заради истата Грција следниот петок повторно нема да добиеме датум за преговори со ЕУ што е основен предуслов за посилна економија, повисоки плати, поголема вработеност и подобар животен стандард. Срамота! Поздрав од Охрид”, пишува Николовски.
Но, како што веќе беше објавено на социјалните мрежи и видни членови на ВМРО-ДПМНЕ заминаа да уживаат во Грција. Па останува нејасно за кого се однесува ова негодување на Николовски, дали и за неговите сопартијци кои и изминатите години беа сликани на грчките плажи.