Генералниот секретар на СДСМ, Љупчо Николовски пред почнување на вечерашната седница на Фејсбук напиша дека доколку продолжат опструкциите во Собранието, можно е власта да формира нова влада, а на иѕбори да се оди во редовниот термин.
“Доколку во Собранието се продолжи со тактизирање и ако на кој било начин се оневозможи гласање на важните закони, а особено Законот за јавно обвинителство, Изборниот законик, Законот за одбрана, разрешувањето на Мизрахи…, во тој случај постои реална можност ние да направиме ново парламентарно мнозинство, а потоа и нова стабилна влада која ќе организира редовни парламентарни избори,објави на својот “Фејсбук” профил Николовски.
“Северна Македонија нема да биде заложник на партиски и криминални интереси, правната држава и европската иднина се приоритет на граѓаните и за тоа ќе се бориме до последниот атом”, напиша Николовски.
